15 наурыз күні Қазақстанда жаңа Конституцияны қабылдау бойынша республикалық референдум өтіп жатыр.
Дауыс беру учаскелері сағат 07:00-де ашылып, 20:00-ге дейін жұмыс істейді. Кейбір учаскелерде, атап айтқанда әскери бөлімдерде, дауыс беру 06:00-де басталды. Учаскелер жабылғаннан кейін бюллетеньдерді санау басталады.
Бюллетеньде бір сұрақ бар: азаматтар 2026 жылғы 12 ақпанда жарияланған Қазақстан Республикасының жаңа Конституциясын қабылдай ма? Құжатты толығымен қолдауға немесе қабылдамауға болады.
Дауыс беру құқығына 18 жасқа толған, сайлаушылар тізіміне енгізілген Қазақстан азаматтары ие. Бюллетень алу үшін жеке куәлікті немесе паспортты көрсету қажет, сондай-ақ eGov Mobile, Kaspi.kz немесе Halyk қосымшалары арқылы цифрлық құжаттарды көрсетуге болады.
Референдумның ресми қорытындылары дауыс беру өткен күннен бастап жеті күн ішінде жариялануы тиіс.
Фото: Қонаев қаласы әкімдігінің баспасөз қызметі