Қараша айында Ұлттық қауіпсіздік комитеті Қонаев қаласында, сондай-ақ Алматы, Ақтөбе және Шымкентте деструктивті діни ағымдардың алты жақтасын ұстады. Тергеу нұсқасына сәйкес, олар діни себептермен шабуыл жасауға және адам өлтіруге шақырған, сондай-ақ зайырлы мемлекеттік құрылымға қарсы үгіт жүргізген.
Тінту барысында ұсталғандардан атыс және суық қарулар, сондай-ақ көптеген діни мазмұндағы әдебиеттер тәркіленді. Сот санкциясымен олардың барлығы қамауға алынды, өзге ақпарат жарияланған жоқ. Бұдан бөлек, 3 қараша күні Ақтөбе облысының тұрғыны осыған ұқсас қылмысы үшін 7 жылға бас бостандығынан айырылды. Жыл басынан бері ҰҚК материалдары бойынша 83 адам ұсталып, 97-сі сотталды.
