Инфляцияны тежеу мәселесіне арналған жиналыста «Инвестицияға айырбасталған тариф» бағдарламасын іске асыру талқыланды. Онда Қазақстанда жыл соңына дейін халық пен әлеуметтік маңызы бар азық-түлік өндірушілері үшін коммуналдық тарифтердің көтерілмейтіні айтылды.
Ұлттық экономика министрлігінің Табиғи монополияларды реттеу комитетінің төрағасы Тимур Қосымбаевтың айтуынша, 2025 жылға жоспарланған барлық түзетулер аяқталды, ал табиғи монополия субъектілерінен жаңа өтінімдер түскен жоқ. Осылайша, азаматтар мен әлеуметтік маңызы бар тауар өндірушілеріге түсетін тарифтік жүктеме қазіргі деңгейде қалады.