INFO MONITORING ақпарат агенттігінің тілшісі Иван Стрижаков өз бейнеүндеуінде Қазақстан Республикасының Президенті Қасым-Жомарт Кемелұлы Тоқаевқа Алматы облысы Есік қаласында спорт кешенінің құрылысына қатысты мәселені шешуге жәрдемдесуді сұрап жүгінді.
Сонау 2021 жылы жеке инвестор заманауи спорт кешенін салуға шамамен 2 миллиард теңге құюға ниет білдірген болатын. Жоба балалар мен жасөспірімдер спортын дамытуға жаңа серпін беріп, ерекше қажеттіліктері бар балалардың да спортпен айналысуына жағдай жасауы тиіс еді. Сол кездегі облыс әкімі Қанат Бозымбаев бұл бастаманы ресми түрде қолдаған. Алайда арада төрт жылға жуық уақыт өтсе де, құрылыс түрлі себептермен тоқтап тұр. Бұл жағдай жергілікті билікке «қолайлы» болып отыр.
2025 жылы инвестор ауысқанымен, қолдан жасалған кедергілер бастаманы жүзеге асыруға әлі де тосқауыл болып келеді.
«Бұл – аймақтарда спортты дамыту мен әлеуметтік инфрақұрылымды нығайту қажеттігі туралы сөзіңізге қарама-қайшы келеді», – деді тілші мемлекет басшысына жолдаған үндеуінде.
Ол президенттің тікелей араласуы Есіктегі осы ұзаққа созылған құрылысқа жаңа серпін беріп, әлеуметтік маңызы зор жобаның аяқталуына мүмкіндік туғызады деген үмітін білдірді.
Аталған үндеуге INFO MONITORING редакциясының барлық қызметкерлері қосылады.