Қазақстанда әлеуметтік осал санаттағы балаларды қолдауға бағытталған «Всеобуч» қорының бағдарламасы жалғасуда. Ата-аналардың және заңды өкілдердің есепшоттарына мектеп формасын, аяқ киім мен оқу құралдарын сатып алуға шамамен 20 млрд теңге аударылды. Қолдау 430 мыңнан астам балаға көрсетілді.
Қазақстан Республикасы Оқу-ағарту министрлігінің Балалардың құқықтарын қорғау комитетінің деректеріне сәйкес, 2025 жылы көмек 500 мыңнан астам баланы қамтиды. Маңызды шарт — алушылар сатып алған тауарлар туралы растаушы құжаттарды ұсынуы тиіс. Өтінішті рәсімдеу үшін уәкілетті органдар арқылы құжат тапсыру жеткілікті.
2025 жылы бағдарламаға бөлінген жалпы қаржы көлемі — 23,1 млрд теңге. Төлем мөлшері мәслихат шешімі негізінде өңірлік бюджетпен белгіленеді, бірақ бір балаға 46 228 теңгеден кем болмауы қажет.
Жүздеген мың отбасын қамтып отырған бұл қолдау әлеуметтік жәрдем шарасынан бөлек, адами капиталды дамытуға және Қазақстанның болашақ ұрпағына тең мүмкіндік қалыптастыруға маңызды үлес болып отыр.