Алатау қаласының әкімі «Жергілікті ауқымдағы техногендік сипаттағы төтенше жағдайды жариялау туралы» шешім жобасын талқылауға шығарды. Себебі — қатты тұрмыстық қалдықтар полигонындағы өрт.
Құжат «Ашық НҚА» порталында орналастырылды. Онлайн-талқылау 17 қыркүйекте сағат 9:00-де басталып, сол күні 12:05-те аяқталады. Жобаның мақсаты — халықты төтенше жағдай туралы ресми түрде хабардар ету.
Айта кетейік, оқиға орнында ТЖМ және жергілікті атқарушы органдардың күштері жұмыс істеп жатыр: 150 адам және 70-тен астам техника, соның ішінде өрт сөндіру-сорғы станциялары, апаттық машиналар мен арнайы техника жұмылдырылған.
