Қазақстан Үкіметі егін егу және оны жинау науқандары кезінде ауыл шаруашылығы тауар өндірушілерін қолдауға 700 млрд теңгеден астам қаржы бөлді. Оның 502 млрд теңгесі игерілді. Бұл туралы Үкімет отырысында ауыл шаруашылығы министрі Айдарбек Сапаров мәлімдеді.
Жинау науқанына агрошаруашылық мамандарына жеңілдетілген бағамен 422 мың тонна дизель отыны берілген. Бұған қосымша 39,9 мың тонна дизель отынына, астықты кептіруге және элеваторларға 16,4 мың тонна сұйытылған газ бөлінген.
Президент тапсырмасы бойынша 2026 жылғы көктемгі дала жұмыстарын мерзімінен бұрын қаржыландыру қараша айынан басталады. Жеңілдікті лизинг бағдарламасына сұраныс та жоғары: бөлінген 250 миллиард теңгенің 253 миллиард теңгесіне 8 мыңға жуық техника сатып алуға өтінім берілген.
