Қонаев қаласының мерейтойына орай Қойшыманов пен Алматы көшелерінің қиылысында заманауи отбасылық демалысқа арналған жаңа сквер пайда болды. Жаңа қоғамдық кеңістік 6527 шаршы метр аумақты алып жатыр және қала тұрғындарының тағы бір сүйікті орнына айналды. Құрылыс жұмыстарын «D2 CONSTRUCTION» ЖШС атқарды.
Сквер ашық, негізінен ақ түсті реңдерде безендірілген. Кеңістік ықшамдылық пен әсемдікті үйлестіреді: ақ түсті конструкциялар, жұмсақ сызықтар мен кең алаңдар жайлылық пен үйлесім атмосферасын қалыптастырады.
Мұнда ағаш және болат элементтері бар композициялық мәрмәрдән жасалған заманауи орындықтар мен урналар орнатылған, әрқайсысының бағасы 365 мың теңге. Қала тұрғындарының жайлылығы мен демалысы үшін металл қаңқасы мен ағаш шатырлы пергола-тербелмелер қойылды. Осы екі қондырғының жалпы құны шамамен 4,2 млн теңгені құрады.
Ерекше назарды функционалдылығы мен көркемдік шешімі үйлескен дизайнерлік «көбелек-тербелмелер» аударады. Олардың құны – 5,44 млн теңге.
Жасыл желекті сақтау үшін скверде әрбір ірі ағаштың тамырына тікелей су жеткізетін заманауи суару станциясы және көлемі 50 м³ болатын екі жинақтаушы цистерна орнатылды. Бұл жүйенің құны 19,6 млн теңгеден асты.
Сквердің орталық элементі – қазақ мәдениеті мен дәстүрінің символы болып табылатын киіз үй пішініндегі нысан. Оның ішінде өмірді, дамуды және адам мен табиғаттың үйлесімін бейнелейтін тірі ағаш отырғызылған. Күмбез ежелгі Қазақстан петроглифтеріне сілтеме жасайтын бедерлі өрнектермен безендірілген. Кешкі уақытта олар жұмсақ жарықпен жарқырап, жайлылық пен мерекелік көңіл-күй сыйлайды. Құрылымның айналасына демалысқа арналған ыңғайлы орындықтар қойылған. Бұл арт-нысанның құны – 12 млн теңге.
Ландшафтық дизайнға ірі ағаштар, жыл бойы жасыл болып тұратын бұталар, гүлді композициялар және ұқыпты газон кіреді, бұл кеңістікке көрік пен үйлесім береді. Келушілердің қауіпсіздігі үшін бейнебақылау камералары орнатылған, бұл тұрғындар мен олардың отбасы мүшелерінің тыныштығын қамтамасыз етеді. Барлық абаттандыру элементтерін қоса есептегендегі жобаның жалпы құны 60 млн теңгеден аспады.
Сквер әмбебап қоғамдық кеңістік ретінде ойластырылған: серуендеуге, балалармен демалуға, фотосессия жасауға және романтикалық кездесулерге қолайлы. Кең орталық аймақ пен жайлы аллеялар үйлену туралы ұсыныс сияқты ерекше іс-шараларға да қолайлы мерекелік атмосфераны құрайды.
Кешке саябақ сәулеттік сызықтар мен декоративті элементтерді айшықтайтын дизайнерлік жарықтың арқасында өзгеше күйге енеді.
Жаңа сквер Қонаев қаласының 55 жылдығына арналған сыйлық қана емес, сонымен бірге қаланың даму символына айналды – мұнда сәулет пен табиғат үйлесіп, тұрғындар үшін жайлы демалыс пен кездесу орнына айналды.
