Алматы қаласының тұрғынының оқиғасы әлеуметтік желілерде белсенді жарнамаланатын тауарларды сатып алудың қандай салдарға әкелуі мүмкін екенін көрсетті.
Ер адам әлеуметтік желідегі жарнамаға сеніп, танымал өнімді сатып алған. Алайда оны қолданғаннан кейін небәрі бір минут ішінде оның жағдайы күрт нашарлап, ауыр аллергиялық реакция пайда болды. Оқиға орнына шақырылған жедел жәрдем қызметі зардап шегушіні ауруханаға жеткізді.
Ауруханадан шыққаннан кейін тұтынушы тауар үшін төленген ақшаны қайтаруға тырысқанымен, сатушы байланысқа шықпай қойған. Осыдан кейін ол Жетісу облысы бойынша Сауда және тұтынушылардың құқықтарын қорғау департаментіне жүгінді.
Уәкілетті органның араласуынан кейін сатушы талаптың негізді екенін мойындады.
Нәтижесінде тұтынушыға 90 000 теңге толық көлемде қайтарылып, оның құқықтары қалпына келтірілді, дау реттелді.